اجراءات دعوى الخلع

الخلع تتنازل فيه الزوجة عن حقوقها مؤخر الصداق ونفقة العدة والمتعة

وتحصل على قائمة المنقولات ونفقة الأولاد والسكن والملبس ومصاريف الدراسة للأطفال

أما الطلاق لضرر تحصل على كامل حقوقها مؤخر الصداق قائمة المنقولات نفقة الزوجية نفقة المتعة نفقة العدة نفقة الأولاد والسكن والملبس ومصاريف الدراسة للأطفال

بعد خلافات كتير بين الزوجين فيه زوجات كتير بتحس إن خلاص الحياة الزوجية ما بينهم إنتهت على كده وبتدور على طريقة للإنفصال الرسمى ..

فى الحالة دى القانون حددلها طريقين لتطليق نفسها دون التوقف على موافقة زوجها أولهما طريق سهل لكنه مكلف وهو دعوى الخلع أما الطريق الثانى مش مكلف لكنه صعب وهو دعوى الطلاق للضرر والتكلفة اللى أنا أقصدها هنا هو حقوق الزوجة ..

فى الخلع الزوجة بتتنازل عن حقوقها الشرعية أما فى الطلاق للضرر الزوجة بتاخد كل حقوقها ..

هنا هنشرح كل حاجة عن الطلاق للضرر ..

اولآ ما هى دعوى الطلاق للضرر ؟

هى دعوى تقيمها الزوجة تطلب فى ختامها تطليقها من زوجها لوجود ضرر واقع عليها من الزوج يؤدى إلى إستحالة العشرة بينهما ..

ثانيٱ ما هى أسباب الطلاق للضرر ؟

1- إعتداء الزوج على زوجته بالسب والضرب

2- زواج الزوج من اخرى دون علم زوجته

3- إنحراف سلوك الزوج وسوء اخلاقياته

4- هجر الزوج لزوجته داخل البلاد لأكثر من 6 أشهر

5- إتهام الزوج لزوجته بإرتكاب جرائم

6- غياب الزوج عن زوجته لأكثر من سنة خارج البلاد

7- خلافات مستمرة بين الطرفين وتحرر عنها محاضر

8- إهمال الزوج لزوجته وإمتناعه عن الإنفاق عليها

ثالثٱ ما هى الصعوبات التى تواجه الزوجة فى الطلاق للضرر ؟

تتمثل صعوبة الطلاق للضرر فى إثبات الضرر الواقع على الزوجة وده موضوع الدعوى وعلشان كده اغلب دعاوى الطلاق للضرر بتترفض وده لأن الزوجة مش بتقدر تثبت الضرر الواقع عليها ..

وده لأن المحكمة بتحيل دعوى الطلاق للتحقيق لإثبات الضرر بشهادة الشهود وهنا المشكلة علشان الشهود لازم يكونوا شهود رؤية يعنى شافوا الضرر الواقع على الزوجة إنما الشهادة السماعية مش بتثبت الضرر ..

رابعٱ ما هى حقوق المطلقة طلاق للضرر ؟

تستحق المطلقة طلاق للضرر جميع حقوقها وذلك لأن الطلاق يرجع إلى الزوج ..

يعنى ليها مؤخر صداقها الثابت بوثيقة زواجها ونفقة عدة وهى بقيمة النفقة الزوجية لحين إنتهاء عدتها شرعٱ وكمان ليها نفقة متعه تقدر بسنتين على الأقل اما بخصوص قائمة منقولاتها فده حق ثابت ليها وطلاقها مش بيأثر على إستلامها أعيان جهازها ..

مؤسسة حورس للمحاماه    01111295644