المنصه الاولي للاستشارات القانونيه في مصر في كافة التخصصات القانونيه

كيف الغى قرار تمكين من مسكن حضانة ؟!

كيف الغى قرار تمكين من مسكن حضانة ؟!

0 1٬934

كيف الغى قرار تمكين من مسكن حضانة ؟!

وهل فعلا ممكن الزوج يلغي قرار التمكين وياخد الشقة ؟!….
وهل الزوجة ممكن ترفض طلب الزوج بإلغاءقرار التمكين وتطلب الإستمرار في شقة الزوجية ؟!
والزوج الي قام ببيع شقة الزوجيه هل هيتم الغاء قرار تمكينه ولا لا ؟!
موضوعنا اليوم عن كيف الغى قرار تمكين من مسكن حضانة ؟! ومهم جدا ننصح بالمتابعه ….
في البدايه القانون سمح للزوج بعد الطلاق ونخلي بالنا بعد #الطلاق مش قبل #الطلاق ….انه يوفر سكن #بديل ويكون مناسب وبعدها يطلب إلغاء قرار التمكين يبقي الشروط الي القانون وضعها للزوج عشان يقدر يلغى قرار تمكين من مسكن حضانة :
١-ان يتم الطلاق بين الزوجين .
٢- ان يوفر الزوج سكن بديل في نفس المستوي .
٣-ان يوفر السكن في خلال فتره العدة .
٤-يقوم الزوج برفع دعوي الغاء قرار تمكين واستبدال مسكن الحضانه .
طيب هل من حق الزوجة الاعتراض علي إلغاء قرار التمكين ؟!
لو لم يتم توافر شرط من الشروط دي من حق الزوجه تعترض علي الالغاء وتطلب معاينه شقة الزوجية القديمة والجديده …
لو الزوج قام ببيع شقة الزوجيه وتم تحرير عقد ايجار للزوج فما العمل ….
الاجابه هتكون في موضوع قادم …..
كافة قضايا محكمة الاسره التي يحق للزوجة او المطلقة او الزوج رفعها
كافة قضايا محكمة الاسره التي يحق للزوجة او المطلقة او الزوج رفعها

ازاي بنعمل تمكين للزوجه من مسكن الزوجيه ؟

الامر بسيط جدا , محضر تمكين بيتعمل في قسم الشرطه , و المحضر ده غالبا بيتحفظ , بنروح نعمل تظلم ضد قرار الحفظ , و بيتم اعاده المحضر مره تانيه , و هنا بيجي دور المباحث اللي بتعمل تحرياتها عن ان كان ده مسكن الزوجيه و لا لأ , و في حال ثبوت كونه مسكن الزوجيه هيصدر قرار من النيابه العامه بتمكين الزوجه من مسكن الزوجيه .
طب التمكين ده بقي بيبقي للزوجه او المطلقه ؟
التمكين للزوجه فقط , لو معندهاش اولاد , اما لو في اولاد بيحق للمطلقه تعمل تمكين من مسكن الزوجيه للقصر كمسكن حضانه , و في حال تمكين الزوجه من مسكن الزوجيه في فترة الزواج , بيكون التمكين هنا مشترك بين كلا من الزوجه و الزوج .
إثبات علاقه زوجيه من عقد زواج عرفي { محكمة الاسره }
إثبات علاقه زوجيه من عقد زواج عرفي { محكمة الاسره }

التمكين من مسكن الزوجيه

يحق للمتزوجة تقديم طلب تطالب فيها بالتمكين من مسكن الزوجية، مشيرا إلى أنه بوقوع الطلاق سيتاح للمطلقة أن تتمكن من منزل الزوجية باعتباره أصبح مسكن حضانه
في البدايه لو حضرتك مازالتي زوجة او حاضنه وعندك اطفال فالشقه من حقك ايا كان وضعها سواء كانت باسم الزوج او ايجار او باسم والده او اخوه بمعني ايا كان وضعها فالشقه من حقك مادامت هي شقة الزوجية
طبعا فيه اكتر من سؤال علي بالك دلوقتي وبنتسألو كتير
س / هل الشقه هاخدها لوحدي ولا مع الزوج ؟؟
ج / احنا هنا هنفرق بين حالتين
الحاله الاولي
ان العلاقه الزوجيه مازالت قائمه يعني انتي لسا علي ذمه زوجك في الحاله دي هيصدر لحضرتك قرار بتمكين الشقه مشاركه يعني انتي وجوزك هتتمكنوا سوا من الشقه
الحاله الثانيه
ان العلاقه الزوجيه انتهت بالطلاق في الحاله دي هتتمكيني لوحدك من الشقه بدون الزوج يعني هتاخدي الشقه انتي واطفالك فقط والزوج يتصرف لنفسه في مكان يعيش فيه
س / ولو طالبه الطلاق خلعا هاخد الشقه برضو ؟؟
ج / طبعا حضرتك هتاخدي الشقه ولو كنتي رافعه خلع او اتحكم لحضرتك بالخلع لان الشقه ملهاش علاقه بالخلع الشقه دي انتي بتاخديها عشان انتي حاضنه وعندك اطفال
س / والسؤال المهم بقا هل الشقه دي هاخدها علي طول ومش هطلع منها تاني ؟؟
ج / لا طبعا انتي بتاخدي الشقه لانك حاضنه فلو انتهت حضانه الاطفال الشقه هترجع للزوج عادي وسن الحضانه في القانون 15 سنه
س / طب نفرض الزوج باع الشقه ودي حيله بيلجاء اليها كتير من الرجاله عشان يتحايلو علي القانون والزوجه متاخدش الشقه أعمل إيه ؟؟
ج / لو حضرتك اخدتي قرار تمكين علي الشقه والزوج اتحايل علي القانون حضرتك بتثبتي دا وبتاخدي الشقه
طب يعني ايه اجر مسكن ؟؟
باختصار شديد جدا القانون اعطي لحضرتك حريه الاختيار مابين انك تاخدي شقه الزوجيه الي حضرتك اتجوزتي فيها وبين اجر المسكن واجر المسكن دا القاضي هيحكم لحضرتك بمبلغ نقدي تأجري بيه شقه في اي مكان والموضوع دا براحتك انتي وحسب رغبتك
Leave a comment