المنصه الاولي للاستشارات القانونيه في مصر في كافة التخصصات القانونيه

حقوق الزوجة فى حالة الطلاق في القانون المصري

حقوق الزوجة فى حالة الطلاق في القانون المصري

0 636

حقوق الزوجة فى حالة الطلاق في القانون المصري

حقوق الزوجة فى حالة الطلاق في القانون المصري

 نجيب الموضوع من أول الخطوبة :-

فيما يتعلق بالهدايا

، المستقر عليه انها تسري عليها احكام الهبة ، بمعنى لو الفسخ كان من البنت يبقى خطيبها يسترد الهدايا والعكس صحيح.
لما بيتم الزواج بيتم كتابة قائمة منقولات ، القائمة دى من حق الزوجه سواء كانت مازالت علاقة الزوجية قائمة ، أو سواء رفعت دعوى طلاق او خلع ، او لو زوجها طلقها من تلقاء نفسه ، فى جميع الاحوال القائمة من حقك يجوز لكى المطالبه بها.
لو حصل خلاف بين الزوجه وزوجها وتركت المنزل ، فمن حقها ترفع دعوى نفقة زوجيه ، والزوج هنا بيبعتلها انذار طاعه ، لازم تعترض عليه خلال تلاتين يوم.
لو الزوجه كسبت دعوى الاعتراض ، يبقى يظل الزوج ملزم بنفقتها ، اما لو خسرتها بتعتبر فى حكم القانون ناشز ، ومن ثم لا تستحق نفقه زوجيه على أساس ان النفقه تكون مقابل الاحتباس وقد ثبت انها تركت منزلها دون مسوغ شرعي.
لو تم طلاق ودى او من خلال المحكمة بيكون ليكي نفقه عده ونفقة متعة والمؤخر ، اما لو رفعتى خلع مش بتاخدى حاجه من التلاته.

فيما يخص مسكن الزوجيه

، لو انتى على ذمه زوجك بيتم التمكين بالمشاركه ، يعنى انتى وهو ، اما لو تم الطلاق مالكيش حق فى مسكن الزوجية الا لو فيه أطفال بيتم اعتباره مسكن حضانة ، وبتقعدى فيه الى حين انتهاء مدة الحضانه اللي هو بلوغ الصغير ١٥ سنة.

فيما يتعلق بالأطفال

، بيفضلوا فى حضانتك الى حين بلوغهم 15 سنة ، بعدها بيتم تخيير الصغير ، وبتاخدى اجر حضانه نظير ذلك ، وفى حالات قد تسقط عنك الحضانة أشهرها لو تزوجتى بأخر ، فى الحاله دى الحضانه بتنتقل لوالدتك ، وفيه ترتيب معين للحضانه بحيث تنتقل من شخص لاخر حسب ترتيب معين نص عليه القانون.
الزوج ملزم بالانفاق على الاطفال ، وملزم بتوفير ملبس لهم ( فى الصيف والشتاء ) ، وملزم بأى نفقات علاج بروشتات معتمده ، وملزم طبعا بمصاريف المدارس.
…..
ده اختصار شديد جدااا شامل لمعظم القضايا التى من الممكن ان تثار بين الزوجين اذا تم اللجوء للمحاكم ، وغني عن البيان ان كل تفصيله من دي فيها تفصيلات كتير ممكن تحصل ، سواء في مسألة تقدير مبلغ النفقه ، او فيما يخص مسكن الزوجية ، او اسقاط الحضانه .
Leave a comment