المنصه الاولي للاستشارات القانونيه في مصر في كافة التخصصات القانونيه

شبكة الخطوبة ومشاكلها في حالة حدوث خلاف

شبكة الخطوبة ومشاكلها في حالة حدوث خلاف

0 257

شبكة الخطوبة ومشاكلها في حالة حدوث خلاف

شبكة الخطوبة ومشاكلها في حالة حدوث خلاف

لو كنت خاطب ومحصلش نصيب الخطوبه تكمل من حقك قانونا استرداد الشبكه عن طريق اقامه دعوي استرداد مشغولات ذهبيه وتطلب فيها استرداد الشبكه
ومش معني كدا إنك تفتعل اي مشكله مع خطيبتك علشان تفركش الخطوبه وتاخد الشبكه لأن القاضي في القضيه بيشوف مين السبب في حدوث الخلاف والمتسبب في انهاء الخطوبه وكمان بيحيل الدعوي للتحقيق علشان يسمع من الشهود مين المتسبب في الفركشه
وفي حاله إثبات إن الخلاف كان بسبب الشخص المحكمه بترفض دعواه ومبيخدش الذهب وفي الحاله دي العروسه ايضا من حقها كمان ترفع دعوى تعويض عن الأضرار إلى هو سببهالها
مؤسسة حورس للمحاماه 01111295644
إذا تمت الخطوبة وتم شراء شبكة أو حتى جزء منها وبعدين إتفشكلت زى ما بنقول بالبلدى بنسبة كبيرة بتحصل مشكلة بين الطرفين على الشبكة .
المشكلة دى بقى اما تتحل بطريق ودى أو توصل للمحكمة .
لو وصلت للمحكمة بيكون دائما الطرف المدعى هو الراجل والمدعى عليه هو الست أو خطيبته السابقة اللى بيطالبها بالذهب .

فى الحالة دى بما إن قانون الأسرة مش منظمها فالمحاكم ليها إتجاهين :-

الأول بيطبق القانون المدنى فى شق “الهبه” أو الهدايا يعنى.
والتانى بيطبق القول الراجح فى مذهب الإمام أبو حنيفة ؛ بإعتبار إن قانون الأسرة بيحيل إليه فى الحاجات اللى مفيش نص ليها فى القانون .

والإتجاهين دول بيمشوا كالآتى :

الهبه فى القانون المدنى :

وده بيقول إن الشخص اللى يوهب حد حاجة أو يهاديه يعنى ممكن يرجع فى الهبه دى لكن بشرط هو الإخلال بشروطها عشان كده المحاكم اللى بتاخد الإتجاه ده قبل ما تحكم فى القضية بتحيلها الأول للتحقيق عشان تشوف مين السبب فى العدول عن الخطوبة إذا كان الخاطب ولا المخطوبة وعلى الأساس ده لو هى السبب فى فسخ الخطوبة بتلزمها ترجع الشبكة تانى لو الخاطب السبب خلاص دعواه بتترفض .

أرجح الأقوال فى مذهب الإمام أبو حنيفة :

وده بيعتبر إن الشبكة كمقدمة للزواج هى جزء من المهر وبالتالى المهر لا يستحق إلا بالزواج فإذا لم يتم الزواج كان من حق الراجل ياخد شبكته تانى حتى لو هو السبب فى فسخ الخطوبة عشان كده المحاكم اللى بتاخد بالإتجاه ده وهى الأقل على فكرة بتحكم فى الدعوى مباشرة دون تحقيق عن السبب فى العدول عن الخطبة .
Leave a comment