المنصه الاولي للاستشارات القانونيه في مصر في كافة التخصصات القانونيه

طرق إثبات دخل الزوج – إزاى أثبت دخل زوجى

0 150

طرق إثبات دخل الزوج – إزاى أثبت دخل زوجى

#گيفية_إثبات_دخل_الزوج #زوجى_أعمال_حره #إزاى_أثبت_دخل_زوجى #طرق_إثبات_دخل_الزوج
من أكتر الأسئلة التى تدور في ذهن أى زوجة أو مطلقه عندما يكون زوجها أو طليقها مبيصرفش عليها وعلى أولادها كيف تثبت دخل زوجها وهو لا يعمل فى وظيفة ثابته (أعمال حره)

طرق إثبات دخل الزوج – إزاى أثبت دخل زوجى

5 طرق قانونية لإثبات دخل الزوج / الأب

1- عن طريق شهادة بمفردات المرتب من جهة العمل للزوج/الأب اذا كان يعمل فى مكان ثابت ومعلوم عن طريق التصريح من القاضى باستخراج مفردات المرتب.
2- عن طريق التحرى عن الدخل من خلال القسم/مديرية الأمن التابع لها محل اقامة الزوج/الأب وذلك فى حالة اذا كان الزوج/الأب عمله حر وليس له دخل ثابت معلوم أو يمتلك محل أو مشروع خاص بيه .
3- احالة الدعوى إلى لتحقيق لإثبات دخل الزوج/الأب بشهادة الشهود .
4- تقديم أوراق أملاك الزوج/الأب كعقود شراء عقارات أو اراضى أو امتلاك شركة أو امتلاك سيارة ويعمل عليها .
5- فى حالة عمل الزوج/الأب خارج البلاد يتم تقديم صورة من عقد العمل (نقدر نجيبها من مكتب العمل – أو التحرى عنه بالطرق الدبلوماسية عن طريق وزارة الخارجية أو بشهادة الشهود أيضا )

وبمجرد اثبات دخل الزوج/الأب تقضى المحكمة للزوجة/المطلقة بالنفقة المطلوبة فى الدعوى بما يتناسب مع يسار الزوج/الأب حيث أنه وفقا لقانون الأحوال الشخصية فإن الزوج/الأب ملزم بمصاريف المرافق الخاصة بمسكن الزوجية عند وقوع الطلاق ، بما فى ذلك فاتورة الكهرباء والمياه والغاز والتليفون ، وغيرها من الاحتيجاجات الأساسية للطفل والحضانة
حيث أنه وفقًا لقانون الأحوال الشخصية، فإن الزوج/الأب ملزم بمصاريف المرافق الخاصة بمسكن الزوجية عند وقوع الطلاق، بما فى ذلك فاتورة الكهرباء والمياه والغاز والتليفون، وغيرها من الاحتياجات الأساسية للطفل والحاضنة، حيث إنه من المقرر قانونًا بنص المادة 18 مكرر، من القانون رقم 25 لسنة 1929 المضافة بالقانون رقم 100 لسنة 1985 أنه مادة 18 مكرر ثانيا ((إذا لم يكن للصغير مال فنفقته على أبيه ، تستمر نفقة الأولاد على أبيهم الى أن تتزوج البنت أو تكسب ما يكفى نفقتها والى أن يتم الابن الخامسة عشر من عمره قادرا على الكسب المناسب, فإن أتمها عاجزا عن الكسب لآفة بدنية أو عقلية أو بسبب طلب العلم الملائم لأمثاله ولاستعداده, أو بسبب عدم تيسر هذا الكسب استمرت نفقته على أبيه.
ويلتزم الأب بنفقة أولاده وتوفير المسكن لهم بقدر يساره وبما يكفل للأولاد العيش فى المستوى اللائق بأمثالهم ، تستحق نفقة الأولاد على أبيهم من تاريخ امتناعه عن الإنفاق عليهم.))

فكيف يتم إثبات دخل الزوج؟

أولا: عن طريق #مفردات_المرتب طبعا لو الزوج فى وظيفة ثابته.⁦
ثانيا: عن طريق #التحرى وده بيكون عن طريق قسم الشرطة التابع لعنوانه (شيخ الحاره).
ثالثاً: عن طريق #شاهد_يسار وده بيكون عن طريق طلب القاضي.
رابعاً: عن طريق #شاهد_إستكشاف وده أيضا عن طريق طلب القاضي.

#ازاي_تثبتي_دخل_الزوج
#النفقه

موضوع اثبات الدخل دا بيشغل بال زوجات ومطلقات كتير وعشان نقدر نحدد قيمه النفقه الشهريه

لازم الاول نحدد متوسط دخل الزوج الشهري وفي بوست انهارده هنقول لحضرتك ازاي نثبت دخل الزوج ؟

ولو الزوج ملهوش عمل ثابت تعملي ايه؟
وهل لو موظف موقفك يختلف؟
طب هيا كام قيمه النفقه الشهريه؟

 

النفقه سواء الزوجيه او نفقه الاطفال لابد من اثبات دخل محدد علي الزوج وهنا هنوضح الموضوع بالامثله

حاله الزوج الموظف في الحاله دي حضرتك بتاخدي مفردات المرتب الي بناء عليها هيتحدد النفقه

حاله الزوج صاحب عمل خاص في الحاله دي هتاخدي السجل التجاري والبطاقه الضربيه عشان تثبتي دخله بناء عليهم

حاله الزوج صاحب المهن الحره طبيب مدرس محامي مهندس في الحاله دي بتاخدي تحريات عن متوسط دخله الشهري

حاله الزوج الي ملهوش عمل ثابت يعني مثلا سائق تاكسي نجار عامل باليوميه في الحاله دي عن طريق التحريات عن طريق القسم

دا بياخدنا لموضوع مهم وبينهي الاسطوره الخاطئه الي الازواج بيقولوها ان هثبت اني مش شغال ومليش مصدر دخل

طبعا دا كلام غير منطقي وغير قانوني لانو القانون وضع لكل حاله طريقه لاثبات الدخل

سؤال هل لو الاب طلق الام واتجوز وانجب اطفال في الحاله دي الاطفال من المطلقه الاولي ملهومش نفقه؟

لا طبعا هوا فعلا زواج الاب من زوجه ثانيه بيدخل في تقدير النفقه وممكن ياثر شويه عشان هوا بيعول اسره اخري بس بردو الاطفال هياخدو نفقه عادي جدا

كيفية إثبات دخل الزوج في قضايا النفقة
دايما بيواجه الزوجه مشكلة في أنها إزاي تثبت دخل الزوج لما تقرر ترفع قضايا نفقة سواء ليها أو لاولادها
وإثبات الدخل بيكون بطريقة من الطرق دي :
● لو الزوج بيشتغل فى مكان ثابت أو جهة معروفه بتدى شهاده بمفردات المرتب وقتها بتطلبي من القاضى التصريح باستخراج شهاده بمفردات المرتب
● لو الزوج بيشتغل أعمال حره ومالوش دخل ثابت زى مثلا انه يكون عنده محل أو مشروع خاص به وخلافه
وقتها بتعملي تحرى عن دخله عن طريق القسم التابع له شغله
● ممكن تطلبي إحالة الدعوى للتحقيق لاثبات دخل الزوج بشهادة الشهود
● ممكن تقدمي للمحكمة أي أوراق تثبت أملاك الزوج زي مثلا عقود شراء عقارات أو أراضي أو انه عنده شركة او عربيه
● لو الزوج بيشتغل في خارج مصر ممكن صورة من عقد عمله لو معاكي او تحصلي عليها من مكتب العمل أو تطلبي التحري عنه بالطرق الدبلوماسية أو بشهادة الشهود
وبعد إثبات دخل الزوج تقضى المحكمة للزوجة والابناء بنفقة بأنواعها بما يتناسب مع يسار الزوج وحاله
Leave a comment