المنصه الاولي للاستشارات القانونيه في مصر في كافة التخصصات القانونيه

كيف يتم المطالبه بقائمة المنقولات الزوجية ؟!

كيف يتم المطالبه بقائمة المنقولات الزوجية ؟!

0 977

كيف يتم المطالبه بقائمة المنقولات الزوجية ؟!

كيف يتم المطالبه بقائمة المنقولات الزوجية ؟!

وهل قائمة المنقولات الزوجية تسقط بمرور الوقت ؟!..
وماهي اقصر طريقة للمطالبة بقائمة المنقولات الزوجية ؟!
هنتكلم اليوم في موضوع مهم جدا وهوا قائمة المنقولات الزوجية ….
قائمة المنقولات الزوجية
هناك طريقين للمطالبة بالقايمة :
١- جنحه التبديد
٢-دعوي استرداد منقولات زوجية
بالنسبة للتبديد لازم يتم عمل محضر في قسم الشرطة وبعدها بيتروح القايمة للمحكمة واذا لم يتم التسليم بيتم صدور حكم بالحبس .
اما اذا كانت الزوجة لا تمتلك #قائمة منقولات فمن الجائز رفع دعوي استرداد منقولات بموجب الفواتير.
كيف يحصل الزوج علي البراءة في قائمة المنقولات الزوجية ؟!
عن طريق تسليم القايمة ..
او
عن طريق الطعن بالتزوير اذا كانت القائمة مزوره
هل يمكن دفع مقابل ثمن القايمة ؟!
نعم يحق للزوج دفع قيمة القايمة في حالة هلاكها او تلفها ….
بعض احكام النقض في قايمة المنقولات الزوجية..
أحكام نقض فى تبديد المنقولات
أحكام نقض فى تبديد المنقولات
مصر – النقض الجنائي – طعن رقم 8845 – سنة قضائية 61 – سنة المكتب الفني 49 – رقم الصفحة 992
تبديد
برئاسة محمد محمد زايد نائب رئيس المحكمة وعضوية محمد حسام الدين الغريانى ومحمد شتا نائبى رئيس المحكمة ومحمد ناجى و هشام البطويسى.
لما كانت المادة 312 من قانون العقوبات تنص على أنه ، لاتجوز محاكمة من يرتكب سرقة إضراراً بزوجته أو أصوله أو فروعه إلا بناء على طلب المجنى عليه . وللمجنى عليه أن يتنازل عن دعواه بذلك فى أية حالة كانت عليها . كما له أن يوقف تنفيذ الحكم النهائى على الجانى فى أى وقت شاء . وكانت هذه المادة تضع قيداً على حق النيابة العامة فى تحريك الدعوى الجنائية بجعله متوقفاً على طلب المجنى عليه ، كما تضع حداً لتنفيذها الحكم النهائى على الجانى بتخويل المجنى عليه وقف تنفيذ الحكم فى أى وقت شاء ، وإذ كانت الغاية من هذا الحد وذلك القيد الواردين فى بابا السرقة هى الحفاظ على الأواصر العائلية التى تربط بين المجنى عليها والجانى ، فلزم أن ينبسط أثرهما إلى جريمة التبديد ـ مثار الطعن ـ لوقوعها كالسرقة إضراراً بمال من ورد ذكرهم بذلك النص . لما كان ذلك وكان البين من الأوراق والمفرادات المضمومة أن الحكم المطعون فيه صدر فى …………… بإدانة الطاعن بجريمة تبديد منقولات زوجته ، وقد استشكل فى هذا الحكم
#قائمة_المنقولات_الزوجيه …. فى ستات كتير حقها بيضيع فى قائمة المنقولات الزوجيه حين المطالبه بها بسبب أخطاء بسيطه عند تحرير المحضر أو عند كتابة القائمه وكمان فى ستات كتير فاكره أنها علشان تطلب القائمه يبقى لازم تطلق وده غلط …. أولا علشان تتفادى اى كلام ممكن يحصل من المحامى بتاع الزوج بخصوص القائمه بتاعتك لازم تخلى بالك من الى حقوله كويس اوى …
أولا / انتى من حقك تشتكى بالقائمة اى وقت سواء اذا كانت العلاقه الزوجيه قائمه أو لا …
ثانيا / لازم انتى إلى تروحى القسم وتعملى محضر التبديد بنفسك أو تعملى توكيل خاص لمحامى يعنى مش تقولى انا عمله توكيل عام قضايا وده كفايه … وهو بالتوكيل الخاص ده يعمل المحضر أو يرفع جنحه مباشره وكمان ماينفعش يكون مر وقت على جريمة التبديد اكتر من 3 شهور .. طيب وايه السبب ؟؟ السبب أن فى بعض القضاه بتحكم بعدم جواز نظر الدعوى لسقوط حق الزوجه فى الشكوى بمرور 3 شهور أو عدم جواز نظر الدعوى لرفعها بغير الطريق الذى رسمه القانون اعمالا لنص الماده ( 3 ) من قانون الإجراءات الجنائيه …
ثالثا / خلى بالك لو انتى اشتكيتى بالقائمة وبعدين اتصالحتى فيها ماينفعش تشتكى تانى بنفس القائمه لازم الزوج يكتب قائمه جديده ….
رابعا / ماينفعش حضرتك تخلى الزوج يمضى على قائمة على بياض أو يمضى على قائمة مش متمنه … وليه ؟؟ علشان هو ممكن يطعن بالتزوير على المبلغ ويقول انه كان ماضى على بياض والمبلغ ده اتكتب بعد ما مضى والخبير طبعا حيقدر يثبت ده وفى الحاله دى حيروح حقك فى القائمه وكمان ممكن النيابه توجهلك تهمة خيانة الائتمان والتزوير … يعنى لازم يكون آخر حاجه تتكتب فى القائمه هى توقيع جوزك …
خامسا / من حقك لو زوجك طلب عرض المنقولات التى بالقائمه عرض قانونى وعرض حاجات مش حاجتك من حقك ترفضيها أو تطلبى مكانها فلوس بنفس قيمة الحاجه ….
سادسا / يفضل عند كتابة محتويات القائمه انك تكتبى جمب كل حاجه سعرها وفى الاخر خالص القيمه الإجماليه للقائمه وبعدها جوزك يمضى علشان لو مااقدرش يعرض المنقولات كلها أو بعضها يبقى من حقك تطلبى المبلغ إلى فى القائمه أو قيمة الحاجه إلى نقصه زى ماهى مكتوبه بالظبط …. والأهم من كل ده اوعى جوزك يعمل عليكى ناصح ويكتب فى القائمه أنها تستحق عند أحد الاجلين … ده معناه انك ماينفعش تشتكى بالقائمة إلا بعد الوفاه أو الطلاق خلى بالك اوى من الحته دى لازم يتكتب فى القائمه أنها تستحق عند الطلب …. ونرحب بالرد على كافة استفساراتكم القانونيه
Leave a comment