المنصه الاولي للاستشارات القانونيه في مصر في كافة التخصصات القانونيه

كيف يتم توجيه انذار بالطاعة من الزوج ؟! 

كيف يتم توجيه انذار بالطاعة من الزوج ؟! 

0 717

كيف يتم توجيه انذار بالطاعة من الزوج ؟!

كيف يتم توجيه انذار بالطاعة من الزوج ؟!

انذار بالطاعة من الزوج له شروط هنوضحها في البداية وبعدين هنتكلم عن ازاي انذار بالطاعة سلاح ذو حدين :
الشروط القانونية الخاصه بانذار بالطاعة :
١-ان تخرج الزوجه عن طاعة الزوج ..
٢-ولابد ان يكون مسكن الزوجية ملائم للحياه من حيث المفروشات ويكون مسقل بالزوج والزوجة.
٣- ان يكون الزوج امين علي الزوجه نفسا ومالا نفسا يعني مش بيكون بيضربها ومالا مش بيكون بيسرقها.
لو الشروط دي اتوفرت بيوجه الزوج للزوجه انذار بالطاعة….
الزوجة اذا لم تعترض في خلال ثلاثون يوما تصبح ناشز ….
وتسقط تبعا لذلك كل حقوقها …
هل انذار الطاعة سلاح ذو حدين ؟!
ايوه الانذار بالطاعة اذا لم تتوافر فيه شروط القانون الزوجه هتستفاد بيه جدا …
ازاي دا بيحصل
الزوجة هتعترض علي انذار الطاعة …وهتطلب الطلاق للشقاق وبالتالي الزوجه هيتم طلاقها …
اما اذا كانت الزوجة مخطئة في حق الزوج الزوج هيكسب دعوي الطاعة…

ازاى_الزوج_يوقف_نفقة_الزوجية .. انذار الطاعه :

– لو الزوجة حصلت على حكم ضد زوجها بألزامه أن يؤدى لها نفقة الزوجية ، ازاى الزوج يقدر يوقف الحكم ده .. !
بدايةً : لازم تعرفوا القاعدة ديه .. ان الحكم ده لا يوقفه الا حكم
》نفقة الزوجية لا يتم إيقافها الا :
• بطلاق الزوجة.
• حكم نهائى بإثبات نشوز الزوجة.
يعنى : لازم الزوج يوجه للزوجة .. [ إنذار طاعه ] .. ويحصل الأتي :
– يعدى ٣٠ يوم من غير ما الزوجة تعترض.
– الزوجة ترفع دعوى اعتراض على انذار الطاعه .. وتترفض.
هنا : الزوج بيرفع دعوى إسمها :
اثبات_نشوز_الزوجه_وايقاف_نفقتها
• بالتالى بيصدر الحكم بإيقاف نفقة الزوجة من تاريخ إنذار الطاعه.
• بيكون من حق الزوج يسترد المبالغ اللى الزوجة حصلت عليها من تاريخ الإنذار وحتى الحكم فى دعوى إثبات النشوز.

انذار_الطاعه … #هااااام_جداااا

1 – مش معنى أن حضرتك اتنازلت عن إنذار الطاعه يبقى طلب التطليق لاستحكام الخلاف أو الشقاق يترفض … بالعكس القاضى حيثبت التنازل عن الإنذار ويكمل فى التطليق ووارد جدا تطلق
2 – يحق للزوجه الإعتراض على إنذار الطاعه بعد الميعاد وإضافة طلب التطليق لاستحكام الخلاف … وطبعا الإنذار بيترفض شكلا والقاضى بينظر طلب الطلاق
3 – الطلاق لاستحكام الخلاف أو النفور ماينفعش يترفع لوحده زة الخلع او الطااق للضرر لازم يكون طلب فى الإعتراض على إنذار طاعه سواء فى صحيفة الإعتراض على إنذار الطاعه أو فى الجلسه قدام القاضى
4 – فى الطلاق لاستحكام الخلاف القاضى بيعتمد على تقريب الحكم فى تحديد الحقوق الشرعيه للزوجه سواء بالحكم لها بالتطليق مع الاحتفاظ بكافة حقوقها الشرعيه أو نصفها أو ربعها أو حرمانها من حقوقها الشرعيه
5 – حرمان الزوجه من حقوقها الشرعيه أو الاحتفاظ بنصفها أو ربعها يتبعها حقها فى نفقة الزوجيه السابقه على حكم الطلاق … يعنى زى الخلع بالظبط
6 – عده المطلقه لاستحكام الخلاف تبدأ من تاريخ حكم اول درجه اذا حكم بالطلاق ولم يحدث
استئناف
Leave a comment