لوخايف من تلفيق محضر لك او قبض علي قريبك من غير اذن نيابه
لوخايف من تلفيق محضر لك او قبض علي قريبك من غير اذن نيابه
لوخايف من تلفيق محضر لك او قبض علي قريبك من غير اذن نيابه
لوخايف من تلفيق محضر لك او قبض علي قريبك من غير اذن نيابه
تعمل اي لو الحكومه نزلت واخدت حد من غير اذن نيابه والحد ده شد مع الظابط واتأكدت انه هيلفقله محضر (للأسف بتحصل كتيير)
اولا: بتتوجه لأقرب مكتب بريد (متروحش وراه القسم وتتعب نفسك علي الفاضي هو كده كده هياخد العلقه التمام) مهمتك دلوقتي انك تلحقه من التهمه اللي الظابط هيلبسهاله.
بتروح لأقرب مكتب بريد (بوسطه) وتسأل هناك علي التلغرافات
في الغالب موظف التلغراف بيكون عارف انته عايز تعمل ايه وهو عارف العناوين اللي بيتبعت عليها التلغراف
في الاول والاخر المهم في النقطه دي انك تاخد ايصال بيانات التلغراف اللي اتبعت (رقمه ومعاد ارساله)
التلغراف بيتبعت لمين….؟
بتبعت لمفتش الداخليه، ووزير الداخليه، والنائب العام، ورئيس نيابة المنطقة اللي فيها القسم اللي انته فيه، وأهم حاجه المحافظه علي ايصال التلغراف اللي مثبوت فيه التاريخ والساعه اللي اتبعت فيها التلغراف ومثبت فيه وقت القبض عليه.
لوخايف من تلفيق محضر لك او قبض علي قريبك من غير اذن نيابه
عناوين اللي بيتبعت لهم التللغرافات…..
عنوان السيد المستشار النائب العام (القاهره دار القضاء العالي بالجلاء)
عنوان السيد وزير الداخليه (القاهرة لاظوغلي مبني وزارة الداخليه)
عنوان السيد مفتش الداخليه(مديرية الأمن ف البلد اللي انته ممسوك فيها)
عنوان رئيس النيابه (بيكون في نيابة المكان اللي انته ممسوك فيه).
فايدة التلغرافات دي اللي هتبعتها هتكون سبب قوي في براءة المتهم من التهمة المنسوب اليه، وكمان ممكن تقاضي ضابط الواقعه المكذوبه وتاخد حقك بالورقه والقلم.
بخصوص وقائع القبض والاحتجاز خارج إطار القانون يجب مراعاة الآتى :-
اولاً – احد أقارب المقبوض عليه يقوم بعمل تلغراف فى سنترال حكومى او من خدمة التلغراف من تليفون ارضى على رقم ١٢٤ يرسل التلغراف للسيد المستشار النائب العام يذكر فيه اسم المقبوض عليه رباعى ومكان وزمان القبض تحديدا على وجه السرعه
ثانياً:- تقديم شكوى مكتوبه او بلاغ عرائض للسيد المستشار النائب العام فى مكتبه بالرحاب او فى دار القضاء العالى ويقدمه احد اقرباء المقبوض عليه حتى الدرجه الثانيه او احد الأزواج آو تكليف زميل محامى موكل من احدهم بتقديمه وان كانوا من المحافظات يقدم للسيد المستشار المحامى العام الاول فى النيابه الكليه التى تتبع المحافظة
ثالثاً:- متابعة الشكوى المقدمة بالسؤال عنها حتى يتم سؤال مقدمها فى النيابه واستخراج صورة رسميه منها
رابعاً:- تكرار التلغراف كل شهر او شهرين ان طالت مدة الإخفاء والحصول على صور رسميه من التلغرافات
ومتابعة الصفحات التى تقوم بنشر اسماء المختفيين بعد ظهورهم فى النيابات المختلفة
خامسا:- ننبه على أهمية التلغرافات والبلاغات من حيث تدعيم أقوال المقبوض عليه عند ظهورة فى النيابه بخصوص واقعة القبض عليه واحتجازه لمده طويله قبل عرضه على النيابه والا سوف يكون ما قرره المتهم بخصوص واقعة القبض عليه واحتجازه لمدة طويله بالمخالفة لقانونى الاجراءات والإرهاب تكون بغير دليل يدعمها
سادسا:- إرسال اسم المقبوض عليه وبياناته للمحامين المختصين بهذا الشآن لإخطاركم عند ظهوره
وننبه أيضاً ان ما يثار بشآن ان التلغرافات والبلاغات مضره بموقف المقبوض عليه من انها سبب لتلفيق التهم له او عدم الافراج عنه فذلك ليس له أساس من الصحه
انا عارف ان نشرت الكلام ده قبل كده ولكن الى خلانى انشره تانى هو صدمتى من السلبيه من بعض الاهالى الى بيخافوا ميعملوا تلغرافات وبلاغات واولادهم مقبوض عليهم من فترات طويله وللأسف مفيش مستند يثبت كده وبيخلينا عاجزين على إثباتها
وده اسمه إهمال وتقصير فى حق المقبوض عليه
