لو الزوج معاه حكم بالرؤيه خد بالك
لو الزوج معاه حكم بالرؤيه خد بالك
لو الأم بتيجى مره اه ومره لا أو بتيجى عدد ساعات قليله عن المحكوم بيها من حقك ترفع دعوى تعويض عن فرق ساعات الرؤيه
لو الأم أو الحاضنه مش بتنفذ حكم الرؤيه يحق لك طلب التعويض وسقوط الحضانه
التعويض بيكون مادى ومعنوى وماتكبرش المبلغ اوى علشان رسوم القضيه ماتبقاش كبيره وكمان علشان لو خسرت القضيه مايجيش عليك مطالبه عاليه
مافيش حاجه اسمها أن لو الأم ماجتش 3 مرات متتالية ارفع سقوط حضانه أو تعويض انت ممكن ترفع القضيه حتى ولو ماجتش مره واحده لأن القانون بيشترط تنفيذ الحكم إلا لو كان عند الأم مبرر أو عذر المحكمه تقبله يعنى مش أى كلام
الرؤيه بتكون للى صادر له الحكم وإلى بينفذه بس يعني مينفعش تاخد اكتر من حد معاك اثناء الرؤيه
مش شرط الآم أو الحاضنه تروح الرؤيه بنفسها المهم الحكم بيتنفذ إنما لو كان بيروح مع الصغير حد غريب والولد تعرض لاهمال أو خطر يحق للاب إقامة دعوى سقوط حضانه للاهمال وتعرض الصغير للخطر
تعملي إيه لو الأب معاه حكم بالرؤية ومبيحضرش ؟؟
لو الأم بتنفذ حكم الرؤيه والأب مش بيحضر الافضل أن الأم متروحش ولاتحضر وهيتضر الأب بعد كدا في حاله رغبته في الحضور انه يبعت للام إنذار بتنفيذ الرؤيه
طيب هل من حق الأم أو الحاضنه طلب التعويض عن عدم حضور الأب للرؤيه ؟؟؟
ويمكن إثبات عدم حضور الأب للرؤيه بطريقتين
1 – محضر إثبات حاله فى القسم التابع له مكان الرؤيه
2 – شهاده من مكان الرؤيه تفيد عدم حضور الأب فى مواعيد الرؤيه وفقا لحكم المحكمه الصادر له
ملحوظه – الأم لها حضانة الطفل حتى 15 عاما بقوة القانون.. وبعدها يخير القاضي الطفل بين أمه أو أبيه
أن الحضانة للأم وفقا لأحكام الشريعة والقانون، وبمجرد الانفصال يكون الطفل مع أمه، لكن إذا أخذ الوالد الطفل من أمه، فتقدم طلبًا للمحامي العام يرفق به قسيمة الطلاق وشهادة ميلاد الطفل، وتطلب إصدار قرارًا بالضم، وتنفذ القرار عن طريق مباحث التنفيذ، وتأخذ ابنها.
معلومات قانونية أسرية
1- لا يعتد قانونا بأى تنازل للأم عن حضانة صغارها
2- فى حال زواج الأم ثم طلاقها يجوز لها طلب حضانة الصغار
3- الخلع ليس له استئناف
4- دعوى حبس متجمد نفقه اسره يكون فيها الحبس شهر وليس له استئناف
5- الرؤية تكون أسبوعية ولمده 3 ساعات
6- دعاوى الطلاق بكافه أنواعه له استئناف ولذلك فهى تتأخر ويمكن أن تصل المدة لأكثر من عام ونصف
7- قضية الطاعة لها استئناف وللزوجه تسليم نفسها في أى مرحله من مراحل الدعوى إذا أرادت
8- لا يعتد بأى تنازل عن حقوق الصغار لانه حق لهم ويجوز الرجوع فيه
9- الرؤيه قديما كانت للأب فقط وللجدين فى حال غياب الأب.
أما حاليا للجدين الحق في الرؤية حتى فى وجود الأب
10- القائمة عبارة عن إيصال أمانة ولا مساس بها نهائيا الا
بطرق الإثبات العادية سواء طلاق أو خلع.