الحضانه للام بقوه القانون – اعرفي الحضانه لمين بعدك
الحضانه للام بقوه القانون – اعرفي الحضانه لمين بعدك
الحضانه للام بقوه القانون اعرفي الحضانه لمين بعدك
#طيب_لو_اتجوزت_اعمل_ايه_فاولادي😔
✳️✳️✳️✳️✳️✳️✳️✳️✳️✳️✳️✳️✳️✳️✳️✳️
ستات بتكون خايفه على حضانه الاولاد وان الزوج ياخدهم منها خصوصا فحرب الاعصاب الي بتحصل في فتره الخلافات الزوجيه‼️ اكتر كارت ممكن يلعب بيه الزوج علي اعصاب زوجته اطفالها ولان غريزه الامومه شئ فطري عند الام والبديهي طبعا ان اولادها دول اغلي حاجه عندها ودي اكتر حاجه ممكن تقلق اي ست 😑
وبنسمع تهديدات كتير من الازواج اني هلفقلك تهمه وهسقط من عليكي الحضانه وان الناشز بتسقط من عليها الحضانه وانك لو اتجوزتي الحضانه هتروح للاب 👁️
طبعا في البدايه كل دا كذب وغير صحيح وعشان كدا ركزي معايا في موضوع انهارده وسيبك من الهري الكتير الي موجود في الموضوع دا
في الاول احب اطمنك انك الحضانه للام بقوه القانون وبرأي الشرع والعرف وان اولي حد بالاطفال هوا مامتهم ومحدش هيراعي الاطفال او يشوف مصالحهم اكتر من مامتهم والقانون المصري راعي الموضوع دا كويس وقال ان الحضانه للام بقوه القانون ومش محتاجه اي اجراء
طيب امتي تسقط الحضانه عن الام ؟؟😱😱
في الاول مفيش حاجه اسمها تسقط الحضانه فيه حاجه اسمها نقل حضانه بمعني ايه بمعني لو الام مهمله او غير امينه علي الاطفال او سيئه السمعه والسلوك فالطبيعي والمنطقي انو لو دا ثبت عند القاضي عليها القاضي هيشوف ان من مصلحه الاطفال انهم يروحوا لحد امين عليهم وهيراعي مصالحهم ودا طبعا افضل للاطفال
طيب هل هتنتقل الحضانه دي للاب ؟؟!
طبعا لا لانو القانون نظم موضوع ترتيب الحضانه وهوا دا ترتيب الحضانه في القانون المصري
أخذ القانون المصرى بهذا الترتيب؛ فنص فى المادة 20 من المرسوم بقانون رقم 25 لسنة 1929 والمعدل بالقانون رقم 100 لسنة 1985 على أنه: [يثبت الحق فى الحضانة للأم، ثم للمحارم من النساء، مقدما فيه من يدلى بالأم على من يدلى بالأب، ومعتبرا فيه الأقرب من الجهتين على الترتيب التالى:
الأم، فأم الأم وإن علت، فأم الأب وإن علت، فالأخوات الشقيقات، فالأخوات لأم، فالأخوات لأب، فبنت الأخت الشقيقة، فبنت الأخت لأم، فالخالات بالترتيب المذكور فى الأخوات، فبنت الأخت لأب، فبنت الأخ بالترتيب المذكور، فخالات الأم بالترتيب المذكور، فخالات الأب بالترتيب المذكور، فعمات الأم بالترتيب المذكور، فعمات الأب بالترتيب المذكور. فإذا لم توجد حاضنة من هؤلاء النساء، أو لم يكن منهن أهل للحضانة، أو انقضت مدة حضانة النساء انتقل الحق فى الحضانة إلى العصبات من الرجال بحسب ترتيب الاستحقاق فى الإرث، مع مراعاة تقديم الجد الصحيح على الإخوة
دا معناه ايه ان الاب صعب جدا ياخد الاطفال فاحنا بنقول لحضرتك اطمني الحضانه ليكي بقوه القانون ومتخليش حد يلعب باعصابك 😍
