المنصه الاولي للاستشارات القانونيه في مصر في كافة التخصصات القانونيه

كل ما يخص قائمة المنقولات الزوجية 

كل ما يخص قائمة المنقولات الزوجية 

0

كل ما يخص قائمة المنقولات الزوجية

كل ما يخص قائمة المنقولات الزوجية 

قائمة المنقولات الزوجية 

علشان كتير من الزوجات بتسأل السؤال ده .. هل أنا من حقى اخد الفلوس إلى مكتوبه فى القائمه بدل العفش ولا لا وخصوصا لو كان المبلغ أكبر من المنقولات ..؟؟؟

#القانون قال إن الأصل هو رد المنقولات بعينها …

كل ما يخص قائمة المنقولات الزوجية

#بمعنى ايه ؟؟ يعنى المفروض أن الزوج كتب قائمة #منقولات علشان هو استلم منقولات مش استلم فلوس أو مبالغ ماليه …

#فالمفروض ان الزوج استلم المنقولات وتعهد بردها يبقى #يردها بحالتها مش يرد قيمتها …
#طيب امتى الزوج يكون ملتزم برد قيمة القائمة أو المبلغ المدون فى القائمة … ؟
#الأصل أن الزوج يرد المنقولات ولكن فى حالة تلفها أو هلكها أو تعذر ردها … يبقى فى الحاله دى الزوج ملزم برد قيمتها الماديه … طيب يعنى لو فى حاجه فى القائمة مش موجوده يبقى يرد كل المبلغ ..؟ لا طبعا الزوج بيرد قيمة الحاجه إللي #ناقصه فى القائمة إنما لو الحاجات إللي فى القائمة كلها مش موجوده يبقى فى الحاله دى الزوج ملزم برد قيمة القائمة كلها … طيب ولو فيه حاجات ناقصه ومش مكتوب ثمنها ؟ يبقى فى الحاله دى ينتدب خبير يحدد ثمن الحاجه إللي ناقصه ويجب على الزوج عرض ذلك المبلغ … طيب ولو الزوج عرض منقولات غير الى استلمها .. ؟ يبقى برضو فى الحاله دى الزوجه من حقها الامتناع عن الاستلام وطلب ندب أحد الخبراء لمعاينة تلك المنقولات ولها أن تثبت صحة أقوالها بكافة طرق الإثبات … يعنى الأصل فى الموضوع هو رد المنقولات وليس رد ثمنها
صيغة دعوي إسترداد منقولات زوجية أمام محكمة الاسرة أو رد قيمتها
صيغة دعوي إسترداد منقولات زوجية أمام محكمة الاسرة أو رد قيمتها
——————————————————-
س: متى تفقد القائمه حجيتها القانونيه و تصبح مجرد حبر على ورق !؟
ج: لو الزوج موقعش عليها من الأول
س: فى نص معين لو اتكتب يخل بالمعنى !!
ج: ممكن يتكتب في القائمه ان ما ورد بقائمه المنقولات يعتبر مهر للعروس
س: ده هيترتب عليه اى ؟
ج: لو كتبت أن القائمة بالكامل أو حاجات معينة فيها هي المهر فالزوجة لو رفعت خلع فهي ملزمة برد المهر لك بالكامل يعني هي اللي تديلك القايمة كلها بما فيها الدهب لو مكتوب لكن لو أنت اللي طلقتها يبقى هتديلها القايمة كلها.
* الافضل يتكتب قيمة المهر في قسيمة الجواز وتعلق القائمة علي شرط الاستحقاق لا تستحق إلا حين بلوغ اي من الاجلين الوفاة او الطلاق وبلاش شروط كتير لان مش كلها بتمشي بيها لأنها تعتبر مثل ايصال الامانة في الاصل وانك استلمتها علي سبيل عارية الاستعمال مش علي سبيل الامانة وده افضل
———————-
س: ما العمل في حالة تحرير محضر بالقايمة ثم تم التصالح هل تصبح القايمة هي والعدم سواء
ج: نعم ولكن اذا تم التصالح والرجوع على نفس المنقولات يحق لها إقامتة جنحة مره اخرى
س: هل يتم كتابة صيغة معينة للتصالح ام يتم كتابة القائمة من جديد ؟
ج: لو كان الإقرار بالتصالح فقط دون ذكر أنها رجعت على نفس المنقولات يبقى لازم قائمه جديده تفاديا لعدم جواز نظر الدعوى لسابقة الفصل فيها
س: ممكن توضح النقطه دي اكتر يعني لو رجعت علي نفس المنقولات يبقي لازم قايمه جديدة تفاديا لعدم جواز نظر الدعوي السابقه .. احنا اتصالحنا في الدعوي السابقه ورجعت بنفس المنقولات ورفعت دعوي تاني هي بنفس القايمه السابقه
ج: لو مثبت فى التصالح أنها رجعت على نفس المنقولات يجوز لها أن تشتكى مره اخرى بنفس القائمه
حكم براءه فى جنحه تبديد قائمه المنقولات
حكم براءه فى جنحه تبديد قائمه المنقولات
———————
س: أحد الأشخاص حدث خلاف وليس طلاق بينه وبين الزوجه وكان شرط الرجوع الامضاء على قائمه منقولات جديده بمبلغ أكبر اى وحده يعتد بها القديمه ام الجديده ام الاثنين ؟
ج: الاتنين
س: حتى لو التاريخ مختلف فى الاخيره عن تاريخ الأولى احدث يعنى ؟
ج: مافيش مانع قانونى … لازم القاضى يقتنع بأن المنقولات واحده وده هيكون شغل المحامى
س: يعنى لو القائمه الجديده مختلفه وازيد بيكون فى رأى آخر
ج: أكيد
———————
س: هل النفقة الزوجية غير نفقة السنتين اللى الزوجة بتاخدها بعد الطلاق؟ولا هي هي ؟
ج: نفقة الزوجيه حاجه و نفقة المتعه حاجه تانيه
———————
س: يعنى لو الزوجه وقت عرض المنقولات قالت على بعض المنقولات دى مش بتاعتى ساعتها بتتخزن في القسم على نفقتها ولا الزوج بيحملها تانى ويمشي؟
ج: الزوج بيحملها ويمشي وممكن تقديم طلب لايداعها على نفقتها الخاصه
———————
س: ماذا يحدث لو قام الزوج باجبار الزوجة القاصر علي ان تتنازل عن قائمة المنقولات في ورقة بإمضاءها
ج: جنايه إكراه على توقيع ويعد التنازل باطل
———————
س: معذره.ولكنى.قرأت.مبدأ.لمحكمة.النقض.
بسقوط.الشق.الجنائي .والحبس.فى.جنحة.التبديد.المنقولات.
ج: للأسف دى اتجاهات قضاه وليس مبدأ ثابت ولكل قضيه ظروفها
س: هل.لها.الحق.فى.استرداد.المنقولات.والحياة.الزوجيه.قائمه.
ج: نعم يحق لها ذلك
———————
س: لو الزوج عمل معارضه على الحكم الغيابى وإترفضت كده الزوجه تستلم العفش ولا ممكن يعمل حاجه تانى
ج: لسه استئناف ولو ماحضرش يعمل معارضه استئنافية
س: والكلام ده بياخد وقت
ج: كل قضيه وليها ظروفها يافندم
——————–
س: لو مفيش قايمة من الأصل وان القايمة الموقع عليها قايمة أفتراضية ايه طريقه خروج الزوج من هذا المأزق؟
ج: يعنى ايه افتراضيه ؟؟
س: افتراضية يعنى صورية يعنى لم يتم شراء اى اثاث ولا يوجد شقة زوجية وان ما كتب هو اثاث غير واقع باسعار صورية
ج: لازم تثبت ده قدام القاضى وغالبا حيكون صعب
س: ايه الاثباتات اللى ممكن تتقدم فى هذه الحاله علما بأننا أقمنا فى فندق بعد الزواج مباشره وبعدين روحنا على السعودية
ج: واقعة تسليم المنقولات واقعه ماديه يجوز إثباتها بكافة طرق الإثبات
س: يعنى أوراق حجز الفندق والاقامه فيه وصور من جوزات السفر والحجوزات وشهود يثبتوا عدم وجود عفش وسكن زوجية يكفي
ج: المهم القاضى يقتنع بكده
——————-
س: ممكن اعرف لو الزوج مخلوع والزوجة بتاخد نفقه بس هو مش بيدفع ايه إللى ممكن بنك ناصر يعمله
ج: بيحرك ضده جنحه تبديد
——————-
س: لو قائمة المنقولات. اتعمل بيها جنحة تبديد..واتحكم فيها بالحبس..والزوج نفذ…هنا الزوجه بترجع علي الزوج بدعوي مدنيه وتطلب قيمة المنقولات الزوجيه المدونه بالقايمه..مش بتطلب المنقولات نفسها…ولا إيه ؟
ج: بتطلب المنقولات وفى حالات تعذر ردها أو هلكها بتطلب قيمتها الدعوى اسمها رد اعيان جهاز ترفع امام محكمة الأسرة
——————
س: مش ممكن الزوحة تقول العفش ده مش بتاعى…او متكسر..وعايزه قيمته بدال المنقولات
ج: المحكمه بتندب خبير وبيحدد
———–
س: طب اذا الزوج لم يستلم المنقولات لكنه مضي وقامت الزوجه برفع دعوي بالقايمه فما العمل؟؟
ج: يثبت أنه لم يستلم وينتفى ركن التسليم
س: طب الاثبات ممكن يكون بتوجيه اليمين الحاسمه
ج: ممكن
س: ماهى صحه معلومة انه لايجوز توجيه اليمين الحاسمه فى دعوى المنقولات
ج: غير صحيحة ومن قال هذا يأتى بالسند القانونى.. واقعه التسليم واقعه ماديه يجوز إثباتها بكافة طرق الإثبات من بينها توجيه اليمين

ما هي شروط صحة قائمة المنقولات الزوجية؟

هناك مجموعة من الشروط التي يجب أن تتوفر حتى يمكن القول أن قائمة المنقولات صحيحة من الناحية القانونية، وهذه الشروط تتمثل في الآتي:

  • أن يتم تسجيل جميع الأمتعة الخاصة بالزوجة بالتفصيل بشكل كامل على أن يتم تحديد عددها والبلد التي تم الصنع فيها وأيضا ذكر ألوان كل منها.
  • يجب أيضا أن يتم كتابة اسم الزوجة التي تمتلك هذه الأمتعة بالكامل في قائمة المنقولات.
  • إذا كان هناك ذهب مرفق بالقائمة يجب أن يتم كتابة عدد الجرامات بالتحديد وليس قيمة الذهب بسعره.
  • إذا لم يقم الزوج بالتوقيع على القائمة فلا معنى أو سند قانوني لها وتصبح مجرد ورقة لا يمكن الاعتداد بها.
  • يجب أن يقر الزوج في القائمة على أن جميع الأمتعة الموجودة هي ملك للزوجة وأنها مجرد أمانة لديه، وفي حالة الطلاق عليه أن يقوم بإرجاعها لها.
  • يجب أن يتم أيضا كتابة قيمة المبلغ الإجمالي للأمتعة المرفقة بالقائمة وذلك باللغة العربية مع التفقيط.

ما هو حكم كتابة قائمة المنقولات الزوجية في الشريعة الإسلامية؟

أثار كتابة قائمة المنقولات الذي انتشر في المجتمع المصري على مدار العقود الأخيرة جدلًا واسعًا بين الأفراد في المجتمع وزاد التساؤل حول مدى تحريم أو تحليل القيام بهذا الإجراء، وهل الشريعة الإسلامية تجيزه أم لا.

فعند النظر إلى آراء المواطنين على مواقع التواصل الاجتماعي تجد من هو موافق على كتابة قائمة المنقولات الزوجية ومن يرفضها ويجد أنها مجحفة في حق الرجل، وأما عن رأي دار الإفتاء المصرية حول هذا الموضوع فإنه ووفقا لأحكام الشريعة الإسلامية أنه لا حرج من كتابة قائمة المنقولات لأنها من حق الزوجة وهي تعتبر بمثابة مهر يقوم الزوج بتقديمه لها مقابل الزواج منها.

وقد استندت دار الإفتاء في إصدار هذه الفتوى إلى بعض الأسانيد الشرعية والآيات القرآنية التي تثبت حق الزوجة في الحصول على كامل قائمة المنقولات ونا انتقاص منها وذلك في حالة الدخول بها، أما في حالة عقد القران فقط دون دخول فيكون من حق المرأة الحصول فقط على نصف الأمتعة.

Leave a comment