المنصه الاولي للاستشارات القانونيه في مصر في كافة التخصصات القانونيه

ليه المحامين مش عاوزين يسجلوا فى الفاتوره الإلكترونيه

ليه المحامين مش عاوزين يسجلوا فى الفاتوره الإلكترونيه

0 177

ليه المحامين مش عاوزين يسجلوا فى الفاتوره الإلكترونيه
وليه مش عاوزين يدفعوا ضرائب؟
💢💢💢💢💢💢💢💢💢💢💢💢💢💢💢💢
🚨✅
حضراتكم الصوره اليمني ده نموذج واحد لكم الرسوم والضرائب اللي بندفعه في نوع واحد فقط من الدعاوي بخلاف باقي الدعاوي والاستئنافات ورسوم الميكنه ومراجعه حوافظ المستندات بتحاسب وندفع فلوس علي كل ورقه واحنا مصورين الاوراق وكاتبنها وطابعنها علي حسابنا وندفع فلوس علشان نقدمها ده ابسط مثال نعرضه
🚨✅🚧
ولو تم التطبيق سيصبح التقاضي للمقتدر فقط إن جاز التعبير
💢💢💢💢💢💢💢💢💢💢💢💢💢💢💢💢
الحكاية وما فيها ان وزارة المالية فارضه التسجيل الإلكتروني ونظام الفاتورة والإيصال الالكترونى على
المهن غير التجارية بالمخالفة للقانون ،،،
و #المحامي_مش_تاجر
مش كده وبس دول عاوزين يلزموا المحامي بدفع الاتي :
🛑 ٤٠٠٠ جنيه سنويا رسوم إشتراك فى الموقع الالكتروني
🛑 ٢٠٠٠ جنيه رسم توقيع الكتروني
🛑 ٢٠٠٠ جنيه رسم تصديق
🛑 ٣٢٥ رسم إشتراك سنوى بموقع مصلحة الضرائب
🛑 ٤٠٠ جنيه رسوم شهادة خدمة
بخلاف أجهزة حديثة لازم يشتريها
علشان يقدر يصدر فاتورة أو أيصال إلكترونى
وده كله رسوم وليست ضرائب
وهتدفعها سنوياً سواء
اخدت أتعاب أو مخدتش ، اشتغلت أو ما اشتغلتش!!
يعني عاوزين يجمعوا مليارات من جيوبنا
والمدهش فى هذا
ان المحامين بيدفعوا كل الضرائب المشروعة
لانها حقا للدولة و هقولك ازاى :-
١_بيدفعوا كل يوم في خزانة المحكمة ..
٢_ بيدفعوا ضرائب أثناء رفع الدعوى
(ومنها الضريبة المضافة المطعون عليها بعدم الدستورية)
٣_بيدفعوا رسوم رفع دعوى
٤_بيدفعوا رسوم إستخراج وإستلام أوراق رسمية
و دى تم زيادتها بقرارات غير قانونية ٢٠ ضعف
عما كانت عليه قبل أشهر قليلة
٥_ بيدفعوا دمغة بأنواعها ..
٦_ بيدفعوا اكراميات
٧_ بيدفعوا طابع شهيد ..
٨_بيدفعوا دعم لصندوق القضاة ..
٩_ دعم لأبنية المحاكم ..
١٠_ بيدفعوا فرق رسم وأتعاب محاماة عند خسارة الدعوى
بالإضافة لتقديم الاقرار الضريبي على الدخل الكلى للمحامى إللى بيقدم كل سنة وإللى الضرائب إشترطت تقديم صورة البطاقة الضريبية عند رفع الدعاوى علشان تحصرها وتحاسبه عليها وبيتم تحصيل ضريبة منه مرة اخرى ،،،،
#المحامين بيدفعوا الضرائب أكتر من مرة بكذا طريقة
وده اللي اسمه الإزدواج الضريبي المخالف للدستور وللقانون ولأحكام القضاء على الرغم من ان المحامين لا يكلفوا خزينة الدولة جنيه واحد لأنهم ببساطه
ليس لهم تأمين عند الدولة زي الموظفين
ليس لهم علاج لأن نظام علاجنا تبع النقابة ،
ليس لهم معاش وكمان المعاش تبع النقابة،
المحاماة مهنة غير تجارية
وعيب يطلب من أعضاءها إصدار فواتير إلكترونية
او إيصال إلكترونى وده مش انا اللى بقول كده
دى وزارة المالية ذاتها اصدرت قرار رقم ٥٣١ لسنة ٢٠٠٥ و حددت المهن غير التجارية فى حكم تطبيق المادة (٧٠) من قانون الضريبة على الدخل الصادر بالقانون رقم ٩١ لسنة ٢٠٠٥
عرفت ليه المحامين عاملين دوشه
وهيصعدوا ومش هيسكتوا!!
لأننا ببساطه أصحاب حق ،
وإحنا شغلتنا نجيب حقوق الناس
فعيب اوى اننا مانعرفش نجيب حقنا ..
ولم ولن يضيع حق وراءه مطالب.
#تاريخ_مهني_يكتب_من_جديد_كما_كنا_أصحاب_الكلمه
#المحاماه

قرار الجمعيه العموميه لمحامين جمهورية مصر العربية
قررت الجمعيه العمومية للمحامين اليوم الخامس من ديسمبر الآتي :
١- الامتناع التام عن التعامل مع جميع خزائن محاكم الجمهوريه وعدم سداد الرسوم علي مستوي كل محاكم مصر بكل الجزئيات ويستثنى من ذلك الدعاوي والإجراءات المرتبطه بمواعيد وكلفت مجالس النقابات الفرعية بالتنفيذ
٢- حددت موعد الخميس الموافق ٨ ديسمبر ٢٠٢٢ الساعه ١٢ ظهرا بالنقابة العامه للمحامين لعرض قرار الإضراب عن العمل
٣- حذرت الجمعيه العمومية للمحامين علي النقيب العام ومجلسه بضرورة الالتزام بتنفيذ قرارات الجمعيه العمومية
٤- حذرت الجمعية العمومية للمحامين مصلحة الضرائب المصريه بسرعة العدول عن القرار الباطل بإلزام المحامين بالفاتورة الإلكترونية
٥-نبهت الجمعية العمومية للمحامين علي وزير العدل بانه لا رسوم إلا بقانون ووقف قرارات رؤساء بعض المحاكم فرض رسوم جديدا بلا قانون
٦- طالبت الجمعية العمومية للمحامين من البرلمان المصري التصدي ببطلان اخضاع المحامين للفاتورة الإلكترونية
وتوجه شكر للسادة النواب الذين تقدموا بطالبات إحاطة للبرلمان
٧- طالبت الجمعية العمومية للمحامين من المحكمة الدستورية العليا الفصل في الطعن الدستوري بشأن قانون القيمه المضافة والبطلان إلزام المحامي بها
Leave a comment