مصيدة إنذار الطاعة

الرجالة_تركز_للآخر_الله_يعمر_بيوتكم

دى مصيدة لكل راجل مصرى أصيل أول زوجته متزعل شوية أو تروح عند أهلها يبدأ أهل الفتى ومتابعى الدراما يقولوله إطلبها فى بيت الطاعة ، أول ما ترفع عليه قضية نفقة زوجية وتروح لحد خبرته مش كافية أول حاجة هيقولهالك نعملها إنذار بالطاعة عشان ناخد حكم بالنشوز ونوقف النفقة بتاعتها .

الحقيقة هم كده بياخدوك من إيدك يدخلوك المصيدة أو بيمشوك فى سكة الكمين .

آه حقيقى إن الزوجة لو خسرت قضية الطاعة والزوج كسب قضية النشوز فعلا هتتوقف النفقة بتاعتها ، لكن ده لو وصلنا أصلا للمرحلة دى .

مصيدة إنذار الطاعة

لإن الواقع إن إنذار الطاعة ده سلاح ذو حدين لو الزوجة فى قضية الإعتراض على الطاعة أضافت طلب طلاق لإستحكام الخلاف يبقى الحد التانى من السلاح رشق فيك إنت لإن طلاق إستحكام الخلاف ده بيغير مجرى كل حاجة وبكده هى أصبحت هتطلق هتطلق حتى إن المحكمة مش هيكون ليها سلطة تقديرية إنها تطلق ولا لأ الموضوع بقى زى الخلع كده إجبارى بس يزيد عن الخلع فى إن إستحكام الخلاف الزوجة بتاخد فيها حقوقها المترتبة على الطلاق كاملة أو منقوصة بحسب اللى هيحددوا الحكمين وتطمن ليه المحكمة ، لكن ده مش هيغير حاجة فى إنها هتكسب دعوى الطلاق رسمى وإجبارى خلاص .

عشان كده لو إنت راجل بتحاول تحافظ على البيت وبتفكر فى الأولاد أو رافض فكرة الطلاق فإنذار الطاعة بالنسبالك كمين إوعى تمشى فى سكته

مصيدة إنذار الطاعة