هل يمكن تمكين الزوجة من مسكن الزوجية الإيجار ؟
هل يمكن تمكين الزوجة من مسكن الزوجية الإيجار ؟
هل يمكن تمكين الزوجة من مسكن الزوجية الإيجار ؟
هل يمكن تمكين الزوجة من مسكن الزوجية الإيجار ؟
• فى حالة النزاع بين الزوجين وتكون الزوجة حاضنة وتم طردها يحق لها طبقا للقانون ان تطلب تمكين الزوجة من مسكن الزوجية الإيجار .
• ولكن هل هذا الطريق هوا افضل طريق لها ؟
• تعالو نتكلم عن الموضوع من البداية ونفرق بين نوعين من التمكين :
1. التمكين من شقة زوجيه تمليك .
2. و التمكين من شقة الزوجية الايجار .
تمكين الزوجة من مسكن الزوجيه التمليك
• لو كانت شقة الزوجيه تمليك , فالافضل للزوجه طبعا انها تطلب التمكين لانها بعد الطلاق هيتم تمكينها منفردة .
• ولكن لو كان لزوج قد وفر مسكن بدليل يحق له رفع دعوى يطلب نقل الزوجة الى المسكن الجديد .
تمكين الزوجة من مسكن الزوجية الإيجار
• اما لو كان مسكن الزوجيه بالايجار فالافضل طبعا ان تطلب الزوجة ايجار سكن .
• ودا راجع لانوا ممكن صاحب الشقة التمليك يقوم بفسخ العقد مع الزوج .
• لانه عقد ايجار وبالتالى يتم طرد الزوجة من شقة الزوجية الايجار .
• وبعدها هترفع الزوجة دعوى ايجار سكن .
• فالافضل لها من البداية ان تقوم برفع دعوى ايجار سكن افضل لها من التمكين على الشقة الايجار .
• الا انه من الممكن ان تتفق الزوجة بشكل ودى مع صاحب الشقة الاصلى والمالك وان تستمر هيا بعد تمكينها وسداد قيمة الايجار .
واخيرا نوضح ان النفقة ثلاثه انواع :
1. نفقة طعام
2. نفقة ملابس
3. نفقة سكن
وبالتالى فان نفقة السكن او ايجار السكن يختلف عن نفقة الاولاد الشهرية او نفقة الزوجة ولكن يستحق اجر المسكن فى حالة عدم توفير مسكن زوجية للزوجة .
التنازل عن مسكن الحضانة :
• من الممكن الاتفاق بين الزوجين على تنازل الزوجة عن مسكن الزوجية مقابل مبلغ نقدى كمقابل لايجار المسكن والزوجة لها مطلق الحرية ان تستاجر اى مسكن لان الزوج فى هذه الحالة ملزم بمبلغ المتفق عليه فقط
التمكين من مسكن الزوجيه
يحق للمتزوجة رفع دعوى تطالب فيها بالتمكين من مسكن الزوجية، مشيرا إلى أنه بوقوع الطلاق سيتاح للمطلقة أن تتمكن من منزل الزوجية باعتباره أصبح مسكن حضانة حتى انتهاء مدة العدة فقط، أما إذا هيأ المطلق مسكنا آخر مناسبا فسيكون من حقه أن يستقل بالمسكن، ويكون ذلك بدعوى أمام محكمة الأسرة.
أولا : تحرير محضر بقسم الشرطة بطلب التمكين من الشقة.
ثانيا: أن تقدم ضمن المحضر قسيمة الزواج، أو شهادة الطلاق.
ثالثا: تقديم شهادات ميلاد الأولاد الصغار.
رابعا: المعتاد أن تحفظ النيابة المحضر إداريا.
خامسا: ردا على حفظ النيابة تقدم المتضررة تظلما على قرار حفظ المحضر.
سادسا: النيابة تأمر بعمل التحريات من قبل المباحث.
سابعا: إذا أثبتت التحريات أن الشاكية كانت تقيم في الشقة موضوع الشكوى هي وصغارها يصدر قرار بتمكينها من مسكن الزوجية، بالمشاركة مع الزوج، وإذا كانت مطلقة يصدر قرار التمكين لها فقط.
ثامنا: مدة التمكين تكون من شهر ونص لثلاثة شهور حتى صدور قرار نهائي من المحكمة.
دى بالنسبة للاجراءات المتابعة
في البدايه لو حضرتك مازالتي زوجة او حاضنه وعندك اطفال فالشقه من حقك ايا كان وضعها سواء كانت باسم الزوج او ايجار او باسم والده او اخوه بمعني ايا كان وضعها فالشقه من حقك مادامت هي شقة الزوجية
طبعا فيه اكتر من سؤال علي بالك دلوقتي وبنتسألو كتير
س / هل الشقه هاخدها لوحدي ولا مع الزوج ؟؟
ج / احنا هنا هنفرق بين حالتين
الحاله الاولي
ان العلاقه الزوجيه مازالت قائمه يعني انتي لسا علي ذمه زوجك في الحاله دي هيصدر لحضرتك قرار بتمكين الشقه مشاركه يعني انتي وجوزك هتتمكنوا سوا من الشقه
الحاله الثانيه
ان العلاقه الزوجيه انتهت بالطلاق في الحاله دي هتتمكيني لوحدك من الشقه بدون الزوج يعني هتاخدي الشقه انتي واطفالك فقط والزوج يتصرف لنفسه في مكان يعيش فيه
س / ولو طالبه الطلاق خلعا هاخد الشقه برضو ؟؟
ج / طبعا حضرتك هتاخدي الشقه ولو كنتي رافعه خلع او اتحكم لحضرتك بالخلع لان الشقه ملهاش علاقه بالخلع الشقه دي انتي بتاخديها عشان انتي حاضنه وعندك اطفال
سواء معاكي قايمه ولا لا فالشقه هتتمكني منها بالمنقولات الي فيها لان لازم الزوج يجهز شقه لزوجته واطفاله عشان يقيمو فيه ولازم يكون مجهز بكل المنقولات اللازمه للمعيشه
س / والسؤال المهم بقا هل الشقه دي هاخدها علي طول ومش هطلع منها تاني ؟؟
ج / لا طبعا انتي بتاخدي الشقه لانك حاضنه فلو انتهت حضانه الاطفال الشقه هترجع للزوج عادي وسن الحضانه في القانون 15 سنه
س / طب نفرض الزوج باع الشقه ودي حيله بيلجاء اليها كتير من الرجاله عشان يتحايلو علي القانون والزوجه متاخدش الشقه أعمل إيه ؟؟
ج / لو حضرتك اخدتي قرار تمكين علي الشقه والزوج اتحايل علي القانون حضرتك بتثبتي دا وبتاخدي الشقه
طب يعني ايه اجر مسكن ؟؟
باختصار شديد جدا القانون اعطي لحضرتك حريه الاختيار مابين انك تاخدي شقه الزوجيه الي حضرتك اتجوزتي فيها وبين اجر المسكن واجر المسكن دا القاضي هيحكم لحضرتك بمبلغ نقدي تأجري بيه شقه في اي مكان والموضوع دا براحتك انتي وحسب رغبتك
