الطلاق بحكم محكمه | محامي احوال شخصيه
الطلاق بحكم محكمه | محامي احوال شخصيه
الطلاق بحكم محكمه | محامي احوال شخصيه
الطلاق بحكم محكمه | محامي احوال شخصيه
الطلاق عن طريق المحكمة أنواع كل نوع له طبيعة وأسباب وآثار مختلفة :
1- الخلع :
وهو النوع الأشهر بين الزوجات لسهولته ولأنه مضمون ومش محتاج أسباب وبيكون طلاق بائن والحكم فيه نهائى وبيترتب عليه حرمان المطلقة من “العدة ، المتعة ، المؤخر” .
2- طلاق لعدم الإنفاق :
وده نوع محدش بيلجأ ليه لإنه بياخد وقت وبيحتاج إثبات إنه مش بينفق وتحذير من القاضى للزوج وفى الآخر كمان بيكون طلاق رجعى يعنى الزوج يقدر يراجع المطلقة تانى يوم الحكم عشان كده محدش بيلجأ ليه لإنه فعليا غير ذى جدوى او جدواه بعيدة قوى .
3- الطلاق للضرر :
وده النوع الأفضل للزوجة لإنه بيحافظ ليها على كل حقوقها وبيكون طلاق بائن لكن مشكلته إنه مش سهل لإن لازم الزوجة تثبت أمام المحكمة وقوع ضرر قوى عليها يستوجب التفريق وكمان لازم شهود الضرر لو هتثبت بشهود يكونوا شهود عيان يعنى شافوا الضرر ده وهو بيقع على الزوجة سواء مثلا ضرب او سب او خلافه غير انه مش بيبقى حكم نهائى زى الخلع يعنى لسه ليه استئناف وبيطول شوية .
4- الطلاق لإستحكام الخلاف :
النوع ده بيجمع بين الخلع فى سهولته وبين طلاق الضرر فى صعوبة استحقاق الزوجة حقوقها وبيكون طلاق بائن وله حالتين فقط فى القانون ملهمش ثالث بس هنخصص له بوست لوحده عشان يبقى بإستفاضة لإن ده بيعتبر أفضل نوع طلاق للزوجة اللى صعب عليها تثبت ضرر للمحكمة .
5- طلاق اللعان :
النوع ده هو الأصعب على الإطلاق فى أنواع التفريق بين الزوجين وربنا ما يكتبه على حد أبدا يارب وده بيكون بعد نزاع بين الزوجين على نسب مولود وانكار من جانب الزوج ثم توافر شروط اللعان وتوجيه الزوج لزوجته يمين اللعان واتهامه بالزنا وفى الحالة دى بيتم التفريق بينهم للعان حتى لو مطلبوش الطلاق وبيكون طلاق أبدى مش بس بائن يعنى ميرجعوش لبعض ولا بعقد ومهر جديد ولا حتى بمحلل خلاص خلصت يعنى.
ده كان سرد بسيط وميسر قدر الإمكان عن أشهر أنواع الطلاق اللى ممكن تصدر من المحكمة بين زوجين مش بنوضحها عشان نشجع عليها ولكن عشان اللى خلاص وصلت لمرحلة صعبة من استحالة العشرة تقدر تنقى النوع اللى يناسبها وتطلب من محاميها يرفع النوع اللى يمشى معاها عشان توصل من أقرب الطرق .
الطلاق بحكم محكمه | محامي احوال شخصيه
الطلاق والخلع
الخلع هو طلاق بدون سبب إلا أن المرأة تخاف ألا تقيم حقوق الله التي جعلها للزوج من طاعة وغيره بسبب كراهية الحياة معه وبالتالي فهي تفتدي نفسها وترد إليه مقدم الصداق اي المهر الذي أعطاه لها في مقابل على أن تحصل على طلقة واحدة بينة
س2: ولكن هل للخلع عدة؟
عدة الخلع في القانون المصري مثل عدة الطلاق تماما لأنه طلاق ولم يفرد القانون حكما خاصا بعدة خاصة للخلع وبالتالي يخضع لما يخضع له الطلاق من عدة وهو ثلاث حيضات للزوجة المطلقة طلاقا رجعيا أو حتى تضع حملها إن كانت حاملا ولو كانت من غير أولات الأحمال ولا الحيضات بأن كانت في تجاوزت السن أو لا تحيض لمرض أو غيره فإن عدتها هي ثلاثة أشهر.
س3: حقوق الزوجة عند الخلع:
