ماهي شروط شهود الطلاق للضرر ؟!
ماهي شروط شهود الطلاق للضرر ؟!
ماهي شروط شهود الطلاق للضرر ؟!
ماهي شروط شهود الطلاق للضرر ؟!
والسؤال هل كل دعاوي #الطلاق_للضرر يتم قبولها ؟!
•الإجابة : لا طبعا ممكن الزوجة تخسر دعوي الطلاق للضرر .
ازاي بقا بيتم خسارة دعوي الطلاق للضرر ..؟!
وازاي الزوجة تكسب دعوي الطلاق للضرر..؟!
هنتكلم عن شروط شهود الطلاق للضرر.
• الاول لازم نتفق ان دعوي الطلاق للضرر لازم يكون ليها سبب وسند …يعني ايه
السبب مثلا الضرب ، الهجر ، الزواج باخرى ، الشقاق ، ….الخ من الاسباب الي بتخلي الزوجة تطلب الطلاق…
•ودي اعتقد مفهومه ومش محتاجة شرح …
المشكلة بقا في #السند والي هوا لازم الزوجة تثبت السبب الي قالته للمحكمة والسند دا في اغلبية الاحوال هوا الشهود ….
تعالو بقا نعرف ايه هيا شروط شهود الطلاق للضرر ؟!
شروط شهود الطلاق للضرر :
١-لازم الشهود يكونوا اتنين علي الاقل ودا نصاب الشهادة مبدئيا …يعني شاهد واحد لا يكفي لاثبات الضرر….
٢-وكمان الشهود دول يكونوا رجال او راجل وسيدتين علي اعتبار ان السيده بنص شهادة امام المحكمة.
٣-الاهم بقا ان الشهود يكونوا شهود عيان او شهود رؤية ومينفعش الشهادة السمعية في دعاوي الطلاق للضرر…
٤-يعني يكون الشاهد شاف الواقعه الي بيشهد عليها بعنيه وحصلت كمان قدامه…
وطبعا لو كانوا الشهود لم يشاهدو الواقعه الزوجة هتخسر الدعوي….
ودا معناه ان الشهود دول حاجة مهمه جدا في دعوي الطلاق للضرر….
ماهي شروط شهود الطلاق للضرر ؟!
يعني إيه طلاق للضرر
يعني الزوجة الي واقع عليها ضرر مادي او نفسي من الزوج من حقها تطلب الطلاق عن طريق محكمة الأسرة بس لازم يكون عندها أثبات للضرر و غالبا ما بيكون الإثبات بشهادة الشهود. وفي الحالة دى الزوجة بتحتفظ بحقوقها الشرعية والمادية الي احنا هنذكرها….
اولا_مسكن_الزوجيه
المطلقه للضرر هتاخد مسكن الزوجيه لو كانت حاضنه وهيكون معاها الخيار انها تاخذ نفس الشقه اللي مقيمه فيها واستمرت العلاقه_الزوجيه فيها وده اسمه التمكين من مسكن الزوجية او ترفع دعوي وتطالب باجر مسكن بس بشرط انها تكون حاضنه
ثانيا_قائمه_المنقولات
هتحافظ المطلقه للضرر علي جميع حقوقها وهتاخد جميع المنقولات الخاصه بيها ولو الزوج امتنع عن اعطائها منقولاتها هيعرض نفسه لعقوبه الحبس
ثالثا_نفقه_المتعه
القاضي هيحكم للمطلقه للضرر بنفقه متعه لاتقل عن سنتين ودا الحد الادني في القانون ونفقه المتعه ليس لها حد اقصي التوضيح دا لو الزواج استمر لمده يوم واحد فقط هيكون من حق المطلقه نفقه المتعه لاتقل عن سنتين
رابعا_نفقه_العده
بخلاف نفقه المتعه للمطلقه للضرر ليها نفقه_عده تعادل فتره العده الخاصه بيها وهي بتكون حوالي 3 شهور
خامسا_المؤخر
المطلقه للضرر بتاخد مؤخر الصداق المكتوب في قسيمه الزواج
سادسا_حضانه_الاطفال
والاطفال بعد ما الزوجه تطلق للضرر هيستمروا في حضانه امهم لان الحضانه للام بقوه القانون وهيفضل الاطفال مع الام لغايه نهايه سن الحضانه ولها برده أجر حضانة
سابعا_نفقه_الاطفال
هتاخد المطلقه للضرر نفقه شهريه الاطفالها لاتقل عن الحد الادني الازم للمعيشه الاطفال وهتستمر النفقه دي علي الزوج لغايه سن الحضانه الأطفال
ثامنا_مصاريف_العلاج_الخاصه_بالاطفال
لو لقدر الله الاطفال احتاجوا الي رعايه صحيه نتيجه مرضهم فان القانون لازم الاب بمصاريف علاجهم فالمطلقه من حقها ان ترفع دعوي تطالب الاب بكافه مصاريف علاج الاطفال
تاسعا_مصاريف_التعليم
وطبعا لان التعليم حق اساسي الاطفال فان القانون بيلزم الاب بمصاريف التعليم ومن حق الام المطلقه اللجوء الي القضاء لاجبار الاب علي دفع مصاريف تعليم الأطفال بعد ماتأخذ ولايه تعليميه للأطفال
عاشرا_بدل_كسوه_شتاء_او_صيف
الام المطلقه وطبعا الحاضنه الاطفال فان الاطفال بيحتاجوا كل فتره ملابس سواء في فصل الصيف او الشتاء فان القانون بيلزم الاب انه يجيب ملابس الاطفاله فلو امتنع عن ذللك فان من حق المطلقه للضرر انها ترفع دعوي وتجبر الاب انه يدفع الفلوس دى