لو هتأجر شقه مده قصيره او مده طويله 59 سنه

١ – لازم تعرف انت بتأجر من مين يعنى لازم تشوف مايثبت ملكية الشخص ده للمكان اللى بتأجره طبيعي

جدا ده حقك ماتقولش ده ايجار ومش مستهله ده مهم جدا

٢ – لو المالك عامل توكيل لحد علشان يأجر حاجه بإسمه فخلى بالك أن أقصى مده للايجار بالتوكيل ده هيبقى ثلاث سنوات .. يعنى لو اللى بيأجر بتوكيل قالك هكتبلك مده الإيجار أكثر من كده فالعقد ده بعد الثلاث سنوات هيبقى باطل ومن حق المالك يطردك عادى جدا بعد الثلاث سنوات والمده اللى مكتوبه فى العقد ولا ليها اى لازمه الا لو كان توكيل خاص ومذكور فيه الشقه ويبيح الايجار

٣ – نفس المشكله لو كان اللى بيأجر أحد الورثه على المشاع أو شريك أو ليس له حصه محدده هما ثلاث سنوات بس

٤ – لو المكان اللى بتأجره فى عداد كهرباء تجارى يبقى اكيد المكان ده معموله بطاقه ضريبيه وغالبا سجل تجارى .. يبقى لازم المالك يقفلك النشاط أو يديلك مخالصه من الضرائب بكده

٥ – مافيش حاجه اسمها زياده 10% زى ما القانون بيقول .. العقد شريعة المتعاقدين يعنى إلا هتتفقو عليه القانون هو اللى القانون هيطبقه طالما اتفاق مشروع

**ولما تيجي تأجر شقه 59 سنه خد بالك يجوز تحويل عقد الإيجار الجديد طويل المده

من 59 سنة الي 3 سنوات ؟

تعالي هقولك

يجوز تحويل العقد المحدد المدة الخاضع للقانون رقم 4 لسنة 1996 من أقصى مدة وهى 59 سنة الي 3 سنوات

يعد تحرير عقد الإيجار من أعمال الإدارة لذا يجب مراعاة أنه إذا تم تحريره بموجب توكيل رسمي يبيح حق الإدارة فقط صادر عن المالك، فإن هذا العقد يجب ألا تتجاوز مدته ثلاث سنوات

ذلك طبقا لنص المادة 559 من القانون المدني التي تنص على أنه: « لا يجوز لمن لا يملك إلا حق الإدارة إن يعقد إيجارا تزيد مدته عن ثلاث سنوات إلا بترخيص من السلطة المختصة، فإذا كان عقد الإيجار لمدة أطول من ذلك انقضت المدة إلى ثلاث سنوات كل هذا ما لم يوجد نص يقضى بغير ذلك».

لان الوكالة الخاصة لا تجعل للوكيل صفة إلا فى مباشرة الأمور المحددة فيها وما تقتضيه هذه الأمور من توابع ضرورية وفقاً لطبيعة كل أمر وللعرف الجاري

عشان كده يجب مراعاة إذا تم تحرير عقد إيجار وحل محل المالك وكيلا عنه فى التوقيع وكانت مدة عقد الإيجار تزيد عن ثلاث سنوات أن يكون الوكيل يحمل وكالة خاصة بهذا العمل ووارد بها إصدار عقود الإيجار الخاصة بوحدات العقار ويتم تحديد العقار تحديدا نافيه للجهالة

فمن الافضل ان يوقع علي عقد الايجار المالك وليس وكيل عنه

وعشان تكون مطمن وفي امان يكون معاك محامي يراجع الاوراق ويجهز ومتقولش ده عقد ايجار مش محتاج محامي

انت محتاج محامي في اي تعامل يخص العقود والاوراق